上週六是我與lulu結婚五週年, 時間過的很快, 結婚原來已五年了, 在10月頭時, 還未有這個醒覺. 其實我們都幾悶ge, 每年都只是吃餐晚飯, 心裏也是平平淡淡的, 反倒而lulu都重視一些.

不過今年好開心, 仲有個小誤會tim. 中午時我告訴菲菲今晚不用為我們準備晚餐, 因為外出用膳, 怎知我沒有說明只有我和lulu會出去, 佢仲以為盈盈和佢都一起去, 到出門口時才知誤會了. 也是我們少有的撇下盈盈自行外出.

當晚我們回顧五年來曾去那兒慶祝, 原來大家最深刻的只是第一年, 去了ruff ruff吃鵝肝, 第一次吃鵝肝, 真是好好味啊, 還開了半瓶紅酒.

第二年去了邊我已忘了, 是lulu提醒去了數碼港才記起.

第三年我們都忘了, 想了許久才記起去了澳門westin兩日一夜, 但那次是最不愉快的經歷. lullu book westin是因為做promotion, 有特價, 加上希望住好d, 吃好d, 玩golf(那兒的golf練習場是面對大海的, 將球打進大海, 好high, 好吸引) 才去. lulu仲話做足功課, 點知一早起來做這做那已要趕船, 去到westin間日本餐廳, 諗住來個午餐, 點知話星期二休息, 諗住去玩下golf, 點知正值golf open, golf場只供選手比賽用. 唯有外出用膳啦, 點知搭的士去到某偏僻的迴旋處下了車, 才知該餐廳也是星期二休市. 嘩! 做什麼功課! 真激死! 兜兜轉轉又肚餓, 又不知去邊, 最後還是乘的士去了木偶, 果然名不虛傳, 好味, 且上菜快! 正! 晚上去吃意大利菜, 餐廳名字忘了, 只記得好味, 連我們一向不吃的黑橄欖也好吃呢! 還記得天氣凍凍的, 還在酒店戶外池游水. lulu仲要唔識游, 齋浸, 真係凍死啊!

第四年大家都忙, 放工後, 怱怱去了山林道北酒場吃日式放題, 正, 但因趕住去上堂, 只能齋吃, 沒有享受二人共處的情趣.

第五年我們去了佐敦聖地牙歌餐廳吃鵝肝牛柳餐, $128都幾超值, lulu剪了優惠券, 還有甜品併盤, 我們還點了支紅酒. 牛柳, 甜品心太軟同支酒都好得, 我們仲飽到無點到餐飲就走.

鵝肝不及第一年好, 吃了才記起拍個照

 餐廳仲有人彈結他, 兼吹口琴, 同唱歌tim.

今年同樣擺烏龍, lulu這個大頭蝦又弄錯了地點, 去了QE附近的新聖地牙歌, 我雖有點埋怨他, 卻冇了第三年的激氣. 但我們感情比咁多年都好, 仲有人唱砍咁好情調, 歌者見我地有反應仲問我地想聽咩歌, 當然是我和lulu簽婚書的歌啦 - i swear, lulu都一齊唱, 幾鬼high, 今年我們也叫了一支紅酒, 我們雙雙飲大咗, lulu第一次嘔, 我第一次wing.

回顧時, 覺得一定要記下來, 免得日後忘了. 而且寫寫下覺得好感動, 覺得lulu好愛我, 年年都會安排一d野, 雖然有時我d反應唔係咁好, 尤其係第三年. 時間久了, 關係穩定了, 更感到彼此的愛, 及欣賞對方的付出.